Энэ тасралтын улмаас Монголын Эрчим хүчний систем, Буриадын Эрчим хүчний системийн Селендум орчмын хэрэглээний хамт тусдаа гарсан ба системийн давтамж f=49.1 Гц хүрч системийн аваар эсэргүүцэх автомат буюу давтамжаар ачаалал хөнгөлөх автомат төхөөрөмжийн үйлчлэлээр ЦДҮС-ийн Говийн бүсийн салбарт 3 МВт, Улаанбаатарын салбарт 58,5 МВт, Төвийн бүсийн салбарт 1,2 МВт, Хангайн бүсийн салбарт 5,1 МВт, Зүүн өмнөд бүсэд 2 МВт орчим хэрэглэгчдийн цахилгаан эрчим хүчийг тасалж системийн аваараас сэргийлжээ.

 

Дотоодын эх үүсвэрүүдэд ачаалал нэмж системийн давтамжыг 49,7 -49,9 Гц-ээр барьж ажилласан ба ОХУ талаас схем холболтоо сэргээсний дараа 15:26 цагт 220 кВ-ын агаарын шугам 258-г залгаж, ОХУ-н эрчим хүчний системтэй зэрэгцээ ажиллагаанд орж улмаар 15:34 цагт цахилгаан тасарсан хэрэглэгчдийг залгасан байна.

 

Гэсэн хэдий ч ОХУ-ын Буриадын ЭХС-ийн Галуут нуурын цахилгаан станцын үндсэн тоноглолын үйл ажиллагаа бүрэн сэргээгүй байгаагаас ОХУ-н ЭХС-д аваарийн байдалтай, ОХУ-ын Нэгдсэн системээс Буриадын ЭХС руу өгөх шугамын урсгал зөвшөөрөгдөх хэмжээнээс хэтэрсэн гэсэн шалтгаанаар Монголын ЭХС руу өгөх ЦЭХ-ний хэмжээг 10МВт чадлаас хэтрүүлэхгүй байхаар Буриадын диспетчерээс шийдвэр өгсөн тул 16:30 цагт хэрэглэгч хязгаарлах хөтөлбөрийн дагуу ТБС-т P=15.3 МВт, ХБС-т P=13.9 МВт-н хэрэглэгч хязгаарлаж ажиллалаа.

Энэхүү нөхцөл байдалд дүгнэлт хийж, цаашид болзошгүй аваараас урьдчилан сэргийлж, сонор сэрэмжтэй ажиллах талаар арга хэмжээ авч ажиллахыг холбогдох байгууллагуудад Эрчим Хүчний Сайд Н.Тавинбэх үүрэг болголоо.