Энэ сарын 10-ны өдөр Ланд-200 маркийн автомашин замын тусгаарлалт давж олон тооны машин мөргөөд зогсохгүй явган зорчигч мөргөсөн зам тээврийн ноцтой осол гарсан.

Тус хэргийн шалгалтын явцын талаар ЦЕГ-аас тодрууллаа.

ЦЕГ: "Цагдаагийн байгууллагад энэ оны  аравдугаар сарын 10-ны өдрийн 18:53 цагт Баянзүрх дүүргийн 26 дугаар хорооны нутаг дэвсгэр Олимп хотхоны хойд замд “Зам тээврийн осол гарсан байна” гэх дуудлага, мэдээлэл бүртгэгдсэн.

Дуудлага, мэдээллийг шалгахад Toyota Land Cruser авто машины жолооч 29 настай, эмэгтэй “М” гэгч нь Toyota Prius, Harrier, Nissan Qashqai маркийн автомашинуудыг мөргөсөн.

Мөн явган зорчигч 12 настай, эмэгтэй “С” болон “Э” нарыг мөргөж гэмтээсэн ба явган зорчигч “С”-ийн хөл хугарсан хэргийг Тээврийн цагдаагийн албаны Мөрдөн шалгах газрын Мөрдөн шалгах хэлтэст шалгалтын ажиллагаа явуулж байна" гэлээ.